Este dicionario recolle uns 7000 lemas pertencentes ao ámbito da química, entre os que se inclúen tanto os termos técnicos da nomenclatura proposta en 2005 pola Unión Internacional de Química Pura e Aplicada (IUPAC) como outras denominacións históricas ou tradicionais. As diferentes entradas propoñen descricións e explicacións precisas, actualizadas e asequíbeis dos diferentes elementos e conceptos, acompañadas no seu caso polas fórmulas e representacións gráficas pertinentes. Completan a exposición varios paineis de orientación divulgativa sobre aspectos e temas específicos e dez apéndices que suministran informacións complementarias, como, por exemplo, a táboa periódica dos elementos ou un glosario de 1200 entradas en galego coas respectivas correspondencias co inglés, castelán e portugués. Publicado no marco do Ano Internacional da Química (2011), supón unha achega importante no proceso de normalización da lingua galega para o uso académico e científico, á vez que proporciona unha ferramenta óptima para o ensino, a aprendizaxe e a propia investigación nesta disciplina.