Galicia ten unha ampla e profunda tradición mariña e marítima. En Galicia, cultura, economía e sociedade están fortemente vencelladas ao mar. Somos cada vez máis coñecedores das potencialidades que xorden no medio como consecuencia da crecente actividade humana. O obxectivo deste volume é reflexionar sobre as estratexias de futuro para Galicia no ámbito mariño. A análise desenvólvese dende diferentes ángulos temáticos e perspectivas, coa idea de contribuír a un maior coñecemento do mar e da realidade a el asociada.