Hemen agertzen diren teoriak, gu beste mundu, beste garai eta beste leku batzuetan kokatzeko sortu ziren. Gizartea pentsatzeko eta arazoz beteta ikusteko teoriak dira. Hau da, autoreek esandakoa ondo azaldu badut, liburua ixten duenean, irakurleak irakurtzen hasi orduko baino nahiko gehiago jakin beharko du; baina, era berean, hasieran baino galdera, zalantza eta arazo gehiago izango du. Liburuaren helburua ez da soluzioak eskaintzea, arazoak sortzea, zalantzak eragitea eta ziurtasun gutxiago edukitzea baizik; hau da, modu kontzienteagoan bizitzea eta beste bizimodu batzuk ulertzeko ahalegina egitea.