A Escolma de Cántigas do Cancioneiro Popular Galego é unha antoloxía extraída do Cancioneiro do mesmo nome. Recóllese nela unha mostra moi significativa de cada un dos xéneros e estilos do canto popular galego. Nalgúns dos apartados, especialmente no de romances, ofrécense versións paralelas doutras rexións de Europa; maniféstase desta maneira a circulación de temas folklóricos máis alá das fronteiras lingüísticas.