Kepa mutiko alaia eta bihurria da. Lagunen artean ospea du eta denek egon nahi dute berarekin, baita Markelek ere, nahiz eta Markel izan Keparen gaiztakeria gehienak nozitzen dituena. Ikasturte berria hasi dute, eta, aurten ere, denetik egingo dute: Santa Agedan koplatan arituko dira, kobazuloetara bisita, lagunarteko gorabeherak... Baina, egunerokotasun hori apurtuko duen zerbait gertatuko zaio Kepari. Egun batean, Muma agertuko zaio. Muma mamua. Eta Mumak erakutsiko dio egiten duen gauza bakoitzaren ondorioak zein izan daitezkeen.