A integración das linguas rexionais ou minoritarias no Espazo Europeo da Educación Superior. O galego como caso de estudo presenta unha análise en profundidade dos datos recibidos en resposta a un cuestionario enviado aos centros de ensino superior en Europa que ofertan cursos de lingua e cultura galega. Este estudo é indicativo dos cambios que afectan ao ensino das linguas rexionais ou minoritarias, como resultado do proceso de converxencia dos sistemas de educación superior en Europa.