Bonhomme Coachi se yon dram istorik, yon womanteyat.
Womanteyat" vle di yon pyes ki kapab li tankou yon woman, jwe sou yon senteyat, anpitou mete sou fom film sinema. Se fom literati sa a yo rele "Closet Play."
Bonhomme Coachi ou Faustin 1er, se yon dram ki reyel. Sepandan, ote a ajoute de twa pasaj fiksyon ladan l. Se istwa yon ansyen Jeneral nan Lame Revolisyone Ayisyen an - Pa Lame Popetwel Meriken te vin kreye an 1915 lan non. M ap pale, Lame Revolisyone Papa Dessalines, Capois Lamort elatriye, gason vanyan, ki te ba nou yon peyi nou ta dwa venere, adore, respekte, epi ancheri pou tout vi nou, Ayiti!
Nan ekri pou teyat, sinema, ak televizyon, elatriye, pi souvan, ekriven yo konn mete ti epis pa yo. Se posyon sa a, nan literati, yo defini kom fiksyon. Wi, genyen ti fiksyon nan istwa Bonhomme Coachi a, sepandan, aksyon yo pa chanje.