Terceira entrega en solitario de Xabier Cordal nunha obra que pon de manifesto o avance nos recursos literarios por parte dun dos máis prolíficos poetas da xeración dos 90. Unha fervenza de palabras, imaxes, vivencias disfrazadas, de palabras (re)coñecidas no mundo interior de quen procura saber -saborear- o pasado para avanzar nun novo camiño que, rompendo as propias palabras, as propias vivencias, sitúa ao viaxeiro, no que todas e todos nos podemos ver reflectidos, na dificultade de recuperar as pantasmas e os seres máis queridos do seu percorrido vital. se o poema anda con traballo pola grava de pedra preciosas.