Lehen Hezkuntzako Matematikaren didaktikaren helburua da matematikaren ikaskuntzak dituen arazoetako batzuk argitzea, arazook matematikaren didaktika berria zientzia moderno bihurtu duten teorien argitara aztertuz. Diziplina berri horrek ikerketa ugariren bermea du, eta, bere emaitza-corpusari esker, erantzuna eman diezaieke matematika nola irakatsi auziari buruzko galdera zahar eta berriei. Unibertsitateko ikasleak eta, orobat, ikasleen matematika-ikaskuntzaren arazoei irtenbideak bilatu nahi dizkien eta bere jarduna hobetu nahi duen irakasleak hemen aurkituko dute orain arte oharkabean pasatu diren eta hain agerikoak ez diren beste fenomeno didaktiko batzuen interpretazioa.