Sa chnuasach úr seo tá Ó Searcaigh ag tarraingt ar fhoinsí éagsúla inspioráide
ó litríocht na luath-Ghaeilge, ó mhiotais na Gréige agus ón tSean-Tiomna. Sna
dánta seo tá an file, an fáidh agus an fealsamh le cluinstin agus iad ag
tabhairt an dorchadais chun solais. Tá teicníocht oilte Uí Shearcaigh le sonrú
ar an tsaothar: gach focal meáite, gach siolla tomhaiste, éirim na Gaeilge
curtha i bhfearas agus i bhfonn.