O vagalume xoga a ser estrela fugaz, a limacha pide un desexo... e entón comeza a viaxe cara ao país dos pexegueiros, detrás da estrela polar e na compaña das distintas fases da lúa. A viaxe, e non o destino final é o que fará que os protagonistas desta historia se enriquezan, maduren e descubran novos mundos, dentro e fóra deles mesmos. Un conto para vermos a través dos ollos máis pequenos, sobre a herba, entre as pingas de orballo.