Hai invernos crus e invernos máis tépedos. Algúns anos son tremendamente fríos e outros veñen cheos de choiva. Ás veces pasan axiña, pero tamén poden prolongarse ata ocupar outras estacións. Cada un dos invernos é diferente. Hai quen o imaxina de cor branca, coma a neve; outros, tinguidos de azul, coma o ceo. Pero hai algo que non cambia nunca e esa é a esencia do inverno, que ben se podería concentrar nunha pinga, coma o verdadeiro inverno que este álbum recrea, para viaxar con el polas estacións do ano e polas paisaxes do mundo.