Jack atópase coa Morte e, ao intuír que vai buscar a súa nai, que está doente, trama un plan para librarse dela. Con incrible astucia, é quen de atrapar o sinistro personaxe nun bote; pero as consecuencias do acto serán imprevisibles... Nesta versión do conto tradicional británico enfatízase a idea de presentar a morte non como inimiga da vida, senón como a outra cara dunha mesma moeda: unha non existiría sen a outra. As ilustracións recrean fermosas metáforas visuais e imaxes con cores que contrastan o temporal e o inmortal para acadar un efecto dramático e darlle carácter poético ao ciclo da vida.