Arratsaldero, eskolatik irtetean, Erraldoiaren lorategira joaten ziren haurrak jolastera. Lorategi zabal eta ederra zen, dena belarrez estalia. Txoriek arboletan pausatu eta eztiro kantatzen zuten. -Zein zoriontsu garen hemen! -zioten haurrek elkarri oihuka. Egun batean itzuli zen Erraldoia eta haurrak bere lorategian jolasten ikusi zituen. -Zer egiten duzue hemen? Lorategi hau nirea da eta ez diot inori utziko hemen jolas egiten. Haurrek korrika ihes egin zuten eta Erraldoiak hesi handia eraiki zuen lorategiaren inguruan, kartel hau ezarriz: SARRERA DEBEKATUA.