Esku artean duzun liburu honek Idurre Alonso Amezuak 2009an aurkeztutako doktorego-tesia du oinarri. Egilea ikuspegi komunikatibotik hurbiltzen zaio literaturari, joan den mendeko azken literatur teorien harira. Abiapuntu horrekin, Hego Euskal Herriko ikastetxeetan jasotako datuen irakurketa eskaintzen du, agerian utziz zer eta nola irakasten den. Bide horretatik, Idurre Alonsok identifikatu egiten ditu gaur egun literaturaren irakaskuntzan dauden erdiguneak, eta orobat, erdigune horien eraketan eragiten duten faktoreak.