Kainun kieli oon yksi Ruijan viidestä viralisesta minoriteettikielestä. Oman kielen statuksen se sai vuona 2005. Enniimitten kieli muistuttaa meänkieltä Ruottissa ja suomen pohjaisdialektiita.

Kainun kielen grammatikki oon ensimäinen täkkäävä kuvvaus kainun kielen struktuurin ympäri. Se kuvvaa kielen varieteettiita niin ko Kainun kielitinka oon päättäny ette net oon oppikirjanormaalissa. Siinä oon myötä struktuurii ja haamui eri dialektiista. Opettaajat ja oppiijat saatethaan valita sen varieteetin, mikä parhaimitten riimaa oman alan dialektin kans.

Kainun kieli oon oikhein uhattu kieli. Grammatikin meininkinnä oon vaikuttaat ette kieli elläis etheenpäin ja kehittyis moderniksi kieleksi. Sen tarkoitus oon auttaat kaikkii jokka haluthaan oppiit kirjoittamhaan kainuksi, oli se sitte sieväkirjalisuutta eli jotaki muuta. Mutta oon se aaretarkku kaikile muileki, jokka perustethaan kainun kielestä tahi vaikka meänkielestä eli suomen dialektiista.