PEREZ RUA | Akateeminen Kirjakauppa

A xeración de 1950 foi a que viviu o paso do franquismo á democracia. Atravesou biograficamente procesos como as migracións exteriores e interiores, a urbanización intensiva e a incorporación laboral da muller. É a xeración que protagonizou o cambio social na Galicia contemporánea. A través das voces de trinta e un membros da xeración de 1950 -enmarcadas en datos sociolóxicos para comprender a magnitude e o contexto das transformacións- este ensaio analiza o cambio social que supuxo a mudanza dunha cultura autoritaria, centralista, relixiosa e paternalista a outra democrática e autonómica. A vivencia do paso da produción ao consumo, da pobreza á clase media, do sentido do deber á cultura do inmediato, do galego ao castelán e do crucifixo ao agnosticismo.